பல கை சமையல் பாழ் என்பது பிரபலமான ஆங்கில பழமொழி.ஆனால் சுவையான சமையக்கு கூட்டு முயற்சியைவிட சிறந்தவழி வேறில்லை என்னும் எண்ணத்தோடு சமையல் கலை இணையதளம் ஃபுட்டிஸ்ட்டா செயல்பட்டு வருகிறது.
சமையல் குறிப்புகளை வழங்கும் சிறந்த இணையதளங்கள் எண்ணற்றவை இருந்தாலும் அவற்றிலிருந்து முற்றிலும் மாறுபட்டதாக இந்த இணையதளம் அமைந்துள்ளது.மேம்பட்டதாகவும் இருப்பதாக சொல்லலாம்.
அதற்கு காரணம் இந்த தளத்தில் இடம்பெற்றுள்ள சமையல் குறிப்புகளை இணையவாசிகள் படித்து பயன்படுத்துவதோடு அவற்றை திருத்தி மேம்படுத்தவும் முடியும். அந்த வகையில் சமையல் குறிப்புக்கான விக்கிபீடியா என்று கூறலாம்.
ஒவ்வொரு உணவுக்கும் பயன்படுத்த வேண்டிய பொருட்கள் மற்றும் முறைகள் திட்டவட்டமாக இருந்தாலும் எதாவது பொருளை மாற்றுவதன் மூலம் அல்லது புதிதாக சேர்ப்பதன் மூலம் சுவையை கூட்ட முடியும் அல்லாவா?
இப்படி பலருக்கு தெரிந்திருக்க கூடிய நுட்பங்களை பகிர்ந்து கொள்ள இந்த தளம் வழி செய்கிறது.சமையல் பிரியர்களுக்கு சரியான விருந்து என்றே இந்த தளத்தை வர்ணிக்கலாம்.
————
link;
http://www.foodista.com/
