ஆள் பாதி ஆடை பாதி என்று சொல்வதைப்போல வேலை வாய்ப்பை பொருத்தவரை திறமை பாதி ரெஸ்யூம் மீதி என்றே சொல்ல வேண்டும்.ஒரு நல்ல ரெஸ்யூம் என்பது வேலைக்கான தகுதி,திறமைகள் இத்யாதிகளை பட்டியலிடுவதோடு தோற்றம் மற்றும் வடிவமைப்பிலும் நேர்த்தியானதாக இருக்க வேண்டும்.
அப்படி,பார்த்தும் சூப்பர் என்று சொல்லக்கூடிய ரெஸ்யூமை உருவாக்குவது என்பது ஒரு கலை.அதற்காக மெனக்கெட வேண்டும்.ஆனால் எல்லோருக்கும் அதற்கான நேரமே ஆர்வமே இருப்பதில்லை.இருப்பினும் உள்ளபடியே அசத்தலான ரெஸ்யூமை உருவாக்க சுலபமான வழி உள்ளது.ஜாப்ஸ்பைஸ் இணையதளம் இதற்கு உதவுகிற‌து.

மிக‌ எளிமையான‌ தோற்ற‌தை கொண்டுள்ள‌ இந்த‌ த‌ள‌த்தில் உள்ள‌ அட்ட‌காச‌மான‌ ரெஸ்யூம் மாதிரிக‌ளில் இருந்து பிடித்த‌மான‌தை தேர்வு செய்து கொண்டு அதில் உங்க‌ள் விவ‌ர‌ங்க‌ளை இட‌ம்பெற‌ச்செய்ய‌ வேன்டிய‌து தான்.ரெஸ்யூமில் உங்க‌ளுக்கு ஏற்ற‌ பிர‌த்யோக மாறுத‌ல்க‌ளையும் சுல‌பாமாக செய்து கொள்ள‌லாம்.

அத‌ன் பிற‌கு பிடிஎப் கோப்பு வ‌டிவிலோ அல்ல‌து அச்சு வ‌டிவிலோ மாற்றிக்கொள்ள‌லாம்.

மிக‌வும் எளிமையான‌ த‌ள‌ம்.வ‌ள‌வ‌ள‌வென்று ஆலோச‌னைக‌ளோ குறிப்புக‌ளோ கிடையாது.வேர்ட் கோப்பை போன்ற‌ ப‌க்க‌த்தில் நீங்க‌ள் பாட்டுக்கு விவ‌ர‌ங்க‌ளை சேர்த்துக்கொண்டே போக‌லாம்.ரெஸ்யூம் எப்ப‌டி காட்சி அளிக்கும் என்று முன்னோட்ட‌ம் பார்த்தப‌டி திருத்த‌ங்க‌ளை செய்து த‌னித்துவ‌ம் வாய்ந்த‌ செஸ்யூமை உருவாக்கி கொள்ள‌லாம்.

நீங்க‌ள் வேலை தேடுப‌வ‌ர் என்றால் ஆல் த‌ பெஸ்ட்.

———-

http://www.jobspice.com/#0

தினமும் எத்தனையோ பேருக்கு வேலை கிடைக்கிறது.இருப்பினும் அமெரிக்காவின் ஹால் தாமசுக்கு வேலை கிடைத்த விதம் குறித்து வைத்து கொள்ளக்கூடியது.

மனிதர் டிவிட்டர் மூலம் வேலைக்கு விண்ணப்பித்து அதில் வெற்றியும் பெற்றிருக்கிறார்.

வேலை வாய்ப்புக்கு என்று சில விதிகளும் இலக்கணமும் இருக்கின்றன அல்லவா?ஒரு நல்ல அறிமுக கடிதம் எழுத வேண்டும்.பயோ டேட்டா என்று சொல்லப்படும் தன் விவரக்குறிப்பு விரிவானதாகவும் வேலைக்கான ஒருவரின் தகுதியை சரியாக எடுத்துறைப்பதாகவும் இருக்க வேண்டும்

.ஒரு நல்ல தன் விவரக்குறிப்பை தாயரிக்க தலை பிய்த்துக்கொள்பவர்கள் எல்லாம் இருக்கின்றனர்.இத‌ற்காக‌வே ப‌யிற்சி எடுத்து கொள்ப‌வ‌ர்க‌ளும் உண்டு.

ஆனால் தாம‌ஸ் அறிமுக‌ க‌டித‌மும் எழுத‌வில்லை.த‌ன் விவ‌ர‌க்குறிப்பையும் அனுப்ப‌வில்லை.டிவிட்ட‌ர் மூல‌ம் விண்ண‌ப்பித்தார், அவ்வ‌ள‌வே.வேலை அவ‌ருக்கே கிடைத்து விட்ட‌து. எப்ப‌டி?

தாம‌ஸ் டிவிட்ட‌ரை ச‌ரியாக‌ ப‌ய‌ன்ப‌டுத்தி அசத்தியிருந்தார்.

 பி எப் ஜி க‌ம்யூனிகேஷ‌ன்ஸ் என்னும் நிறுவ‌ன‌ம் தான் டிவிட்ட‌ர் மூல‌மெ அவ‌ரை ப‌ணிக்கு அம‌ர்த்திய‌ நிறுவ‌ன‌ம்.மார்க்கெட்டிங் துறையில் செய‌ல்ப‌ட்டு வ‌ரும் இந்நிறுவ‌ன‌த்தில் ச‌மூக‌ மீடியா என்னும் புதிய‌ துறை ஏர்ப‌டுத்த‌ப்ப‌ட்ட‌து.

பெரும்பாலான‌ நிறுவ‌ன‌க்க‌ளில் மக்க‌ள் தொட‌ர்பு என்னும் த‌னித்துறை இருப‌ப்து போல் இப்போது ப‌ல‌ நிறுவ‌னங்க‌ளில் ச‌மூக‌ மீடியா என்னும் துறை உருவாக்க‌ப்ப‌டுகிற‌து. டிவிட்ட‌ர் ம‌ற்றும் ஃபேஸ்புக் போன்ற‌ ச‌முக‌ வ‌லைப்பின்ன‌ல் சேவைக‌ளை நிறுவன வள‌ர்ச்சி மற்றும் மக்கள் தொடர்பிற்காக திறம்பட பயன்ப‌டுத்தி கொள்ள‌ வேண்டும் என்ப‌தே இத‌ன் பின்னே உள்ள‌ நோக்க‌ம்.

வ‌ர்த்தக‌ உல‌கில் இது புதிய‌ போக்காக‌ உருவாகி வ‌ருகிற‌து. டிவிட்ட‌ரில் நிறுவ‌ன‌ம் ப‌ற்றி தெரிவிக்க‌ப்ப‌டும் க‌ருத்துக்க‌ளை க‌ண்காணித்து அத‌ற்கு ப‌தில் அளித்து நிறுவ‌ன‌த்தின் ந‌ற்பெய‌ரை காப்ப‌தும் இந்த‌ துறையின் க‌ட‌மையாக‌ க‌ருத‌ப்ப‌டுகிற‌து.

நிறுவ‌ன‌த்தின் புதிய‌ திட்ட‌ங்க‌ள் ப‌ற்றியும் டிவிட்ட‌ரில் ப‌திவு செய்வ‌தும் இந்த‌ துறைட‌மிருந்து எதிர‌ப்பார்க்க‌ப்ப‌டும் ப‌ணி. இத‌ன் விளைவு என்ன‌ தெரியுமா? அநேக‌ நிறுவ‌ன‌ங்க‌ளில் இத‌ற்காக‌ என்றே புதிய‌ ப‌ணியிட‌ம் உருவாக்க‌ப்ப‌ட்டு வ‌ருகிற‌து. பி எப் ஜி நிறுவ‌ன‌மும் இதோ போன்ற‌ ப‌ணியிடத்தில் புதிதாக‌ ஒருவ‌ரை நிய‌மிக்க‌ விரும்பிய‌து.

ஆனால் வ‌ழ‌க்க‌மான‌ முறையில் இந்த‌ ப‌ணிக்கான‌ நேர்முக‌த்தேர்வை ந‌ட‌த்த‌ விரும்பாம‌ல் டிவிட்ட‌ர் மூல்மே ந‌ட‌த்த‌ எண்ணிய‌து. புதிய‌ துறைக்கான‌ ப‌ணி நிய‌ம‌ன‌த்தை ப‌ழைய‌ முரையில் ந‌ட‌த்துவ‌தைவிட‌ புதிய‌ முறையிலேயே செய்வ‌து தானே பொருத்த‌மாக‌ இருக்கும் என்று நிறுவ‌ன‌ம் க‌ருதிய‌து

.இத‌ன் ப‌ய‌னாக‌ வேலை வாய்ப்பு அறிவிப்பு டிவிட்ட‌ர் ப‌திவாக‌வே வெளியான‌து. அந்த‌ ப‌திவிலேயே அறிமுக‌ க‌டித‌ம் எல்லாம் வேண்டாம்,த‌ன் விவர‌க்குரிப்பும் வேன்டாம். இந்த‌ வேலைக்கான‌ த‌குதியை டிவிட்டர் மூல‌மே வெளிப்ப‌டுத்துக‌ என்றும் குறிப்பிட‌ப்ப‌ட்டிருந்த‌து.

டிவிட்ட‌ர் மூல‌ம் நிறுவ‌ன‌ பொருட்க‌ள‌ விற்க‌ உங்க‌ளால் முடியும் என்ப‌தை நிருபிக்க‌ டிவிட்ட‌ர் மூல‌ம் உங்க‌ள் திற‌மையை வெளிப்ப‌டுத்துவ‌தை விட‌ சிற‌ந்த‌ வ‌ழி உண்டா என்றும் கேட்க‌ப்ப‌ட்டிருந்த‌து.

டிவிட்ட‌ரில் க‌ருத்துக்க‌ளை ப‌திவு செய்ய‌ அதிக்ப‌ட்ச‌ம் 140 எழுத்துக்க‌ள் ம‌ட்டுமே ப‌ய‌ன்ப‌டுத்த‌ முடியும் என்ற‌ நிலையில் டிவிட்ட‌ர் மூல‌ம் விண்ண‌பிப்ப‌து எத்த‌னை ச‌வாலான‌து என‌ புரிந்து கொள்ள‌லாம்.வேலைக்கான‌ விள‌ம்ப‌ர‌த்தைப்பார்த்த‌ ப‌ல‌ரும் இப்ப‌டி நினைத்திருக்க‌லாம்.

ஆனால் இளைஞ‌ரான‌ தாம‌ஸ் ஹால் அப்ப‌டி நினைக்க‌வில்லை.ஏற்க‌ன‌வே டிவிட்ட‌ர் ப‌ய‌ன்பாட்டில் ப‌ரிட்ச‌ய‌ம் மிக்க‌ அவ‌ர் டிவிட்ட‌ர் மூல‌ம் விண்ண‌ப்பிக்க‌ உற்சாக‌மாக‌ த‌யாரானார். அவ‌ர் அனுப்பிய‌ டிவிட்ட‌ர் செய்தியை பார்த்து விய‌ந்து போன‌ நிறுவ‌ன‌ அதிகாரி சோல‌னே கெல்லி தாம‌ஸ் வேலைக்கு தேர்வான‌தாக‌ அறிவித்தார்.

க‌ற்ப‌னை ம‌ற்றும் ப‌டைப்பாற்ற‌ல் இர‌ன்டையும் க‌ல‌ந்து அவ‌ர் அனுப்பிய‌ டிவிட்ட‌ர் செய்தி இது தான்;பி எஃப் ஜி நிறுவ‌ன‌த்திற்கு ந‌ல்ல‌ எதிர்கால‌ம் இருப்ப‌தாக‌ தோன்றுகிற‌து. இந்த‌ வாச‌க‌த்திற்கு முன் நிறுவ‌ன‌ பெய‌ர் ம‌ற்றும் அதிகாரியின் பெய‌ரை குறிப்பிட்டிருந்த தாம‌ஸ் அத‌ன் முடிவில் மேலும் த‌கவ‌ல்க‌ளுக்கு என்று ஒரு இணைப்பையும் அத்தோடு த‌ன‌து வ‌லைப்ப‌திவுக்கான‌ இணைப்பையும் கொடுத்திருந்தார்.

முத‌ல் இணைப்பை கிளிக் செய்தால் புக‌ழ் பெற்ற‌ தொழில்நுட்ப‌ இத‌ழான‌ வ‌ய‌ர்டு ப‌த்திரிக்கையின் புக‌ப்பு ப‌க்க‌த்தின் புகைப்ப‌ட‌ம் இட‌ம்பெற்றிருந்த‌து. அதில் தாமஸ் பேட்டி கொடுப்பது போன்ற‌ ப‌ட‌ம் இருந்த‌து.அந்த‌ பேட்டியில் தான் அவ‌ர் நிறுவ‌ன‌த்தின் வ‌ள‌மான‌ எதிர்கால‌ம் ப‌ற்றி பேசுவ‌து போல‌ வடிவ‌மைக்க‌ப்ப‌ட்டிருந்தது. புதுமையான‌ சிந்த‌னை தானே.

மேலும் அவ‌ரது வ‌லைப்ப‌திவு இனைப்புக்கு சென்றால் டிவிட்ட‌ர் போன்ற‌ த‌ள‌ங்க‌ளை ப‌ய‌ன்ப‌டுத்துவ‌தில் அவ‌ருக்கு உள்ள‌ ப‌ரிட்ச‌ய‌ம் புல‌ப்ப‌ட்ட‌து. இப்ப‌டி டிவிட்ட‌ரின் 140 எழுத்துக்க‌ள் வ‌ரைய‌ரையை புத்திசாலித்த‌ன‌மாக‌ கையாண்டதால் தாம‌ஸ் வேலைகாக‌ தேர்வானார்.

வ‌ருங்கால‌த்தில் மேலும் ப‌ல‌ நிறுவ‌ன‌ங்க‌ள் டிவிட்ட‌ர் மூல‌ம் நேர்க்காண‌ல் ந‌ட‌த்த‌லாம்.அத‌ற்கு நிங்க‌ளும் த‌யாராக‌ இருங்க‌ள்.

————

http://www.stuckonbrandaid.com/

மியூசிபீடியாவை இசைமயமான தேடியந்திரம் என்று வர்ணிக்கலாம்.ஆனால் இதனை பயன்படுத்திப்பார்க்க வேண்டும் என்றால் நிச்சயம் இசை ஞானம் தேவை .அதிலும் மேற்கத்திய இசையில் பரிட்சயம் அவசியம். இருப்பினும் இதன் அருமையை உணர்ந்து கொள்ள இசை ஆர்வம் இருந்தாலே போதும்.

மியூசிபீடியா என்ற பெயரை பார்த்தவுடன் விக்கிபீடியா போன்ற தளம் என்னும் நினைப்பு ஏற்பட்டிருக்கலாம்.அது ச‌ரி தான்.விக்கிபீடியாவின் தாக்கத்தால் துவக்கப்பட்ட தளம் என்றே இந்த தளம் குறிப்பிடப்பட்டுள்ளது.ஆனால் விக்கிபீடியாவுக்கும் இதற்கும் தொடர்பில்லை.

புரிந்து கொள்ளக்கூடியது போலவே இந்த தளத்தில் இசை தொடர்பான குறிப்புகளை யார் வேண்டுமானாலும் சமர்பிக்கலாம். எவர் வேண்டுமானாலும் திருத்தலாம்.இசை தொடர்பான தகவல் என்றால் கட்டுரைகளோ ,பாடகர்கள் அல்லது இசைக்குழுக்கள் குறித்த த‌க‌வ‌ல்க‌ளோ இல்லை.மாறாக நோட்ஸ் என்று சொல்லப்படும் பாட‌ல்க‌ளின் இசைக்குறிப்புக‌ள் இட‌ம் பெறுகின்ற‌ன‌.
அதாவ‌து பாட‌ல்க‌ளுக்கான‌ மியுசிக் ஷீட்டை அப்ப‌டியே ப‌கிர்ந்து கொள்ள‌லாம்.நிச்ச‌ய‌ம் இசை க‌லைஞ‌ர்க‌ளுக்கும் இசை ஆர்வ‌ல‌ர்க‌ளுக்கும் இது ப‌ய‌னுள்ள‌தாக‌ இருக்கும்.குறிப்பாக‌ இசையை ப‌யில்ப‌வ‌ர்க‌ளுக்கு பேரூத‌வியாக‌ இருக்கும்.
இந்த‌ த‌ள‌த்தில் உள்ள‌ ம‌ற்றொரு சிற‌ப்பம்ச‌ம் பாட‌ல்க‌ளை தேடுவ‌த‌ற்கான‌ வ‌ச‌தி.சில‌ நேர‌ங்க‌ளில் பாட‌லக‌ளின் மெட்டு தெரியும். என்ன‌ பாட‌ல் என்று தெரியாது அல்ல‌வா?அது போன்ற‌ பாட‌ல்க‌ளை மெட்டை குறிப்பிட்டு தேட‌லாம்.

நினைவில் இருக்கும் மெட்டை விசில‌டிப்ப‌து போல‌ வாயால் வாசித்துக்காட்ட‌லாம்.இல்லை விசைப்ப‌ல‌கை மூல‌ம் இசைத்துக்காட்ட‌லாம்.

—————

http://www.musipedia.org/

டிவிட்டரை விளையாட்டாகவும் பயன்படுத்தலாம்.தீவிரமாகவும் பயன்படுத்தலாம்.ஆனால் டிவிட்டரைப்போலவே துவங்கப்பட்டுள்ள புதிய சேவையை விளையாட்டாக மட்டுமே பயன்படுத்த வேண்டும்.

கொஞ்சம் நகைச்சுவை கொஞ்சம் ரசனை இருந்தால் மட்டுமே இந்த சேவை செல்லுபடியாகும்.

சேவையின் பெயர்.வேர்டர்.(wordr).டிவிட்டரைப்போன்ற‌ சேவை தான் .ஆனால் ஒரு முக்கியமான வேறுபாடு டிவிட்டரில் 140 எழுத்துக்கள் மட்டுமே பயன்படுத்த முடியும். வேர்டர் அந்த அள‌வுக்கு தாராளம் இல்லை.ஒரே ஒரு வார்த்தை மட்டுமே இதில் பயன்படுத்த முடியும்.ஆனால் அதிகபட்சம் 28 எழுத்துக்கள் கொண்ட வார்த்தையை பயன்படுத்தலாம்.

சும்மா ஜாலியாக துவங்கப்பட்டுள்ள இந்த சேவையில் பகிர்ந்து கொள்ளப்படும் புதுமையான மற்றும் வித்தியாசமான வார்த்தைகளுக்காகவே ஒரு முறைவிஜயம் செய்யலாம்.மற்றபடி பயன்ப்டுத்துவது அவரவர் விருப்பத்தை பொருத்தது.

——-]

link;http://wordr.org/

இணையம் இப்போது பூட்டுகள் நிறைந்த இடமாக மாறிக்கொண்டிருக்கிறது.அந்த பூட்டுகளை திறக்க இமெயில் சாவியை பய்னப‌டுத்த வேண்டியிருக்கிற‌து. பிரபலமான சேவைகள் அல்லது இணையதளங்களை பயன்படுத்தும் அனுமதியை பெற இமெயில் முகவரியை சமர்பிக்க வேன்டியிருக்கிறது.இவ்வளவு ஏன் வலைப்பதிவை படித்துவிட்டு பின்னூட்டம் அளிக்க வேண்டியிருந்தாலும் இமெயில் முகவரி தேவைப்படுகிற‌து. நம்பகமான தளங்கள் என்றால் இமெயில் சமர்பிப்பதில் எந்த பிரச்ச்னையும் இல்லை. ஆனால் ஒரு சில தளங்களில் இமெயில் முகவரியை தர தயக்கம் ஏற்படலாம்.இது போன்ற நேரங்களில் குறிப்பிட்ட தளம் அல்லது சேவையை பயன்படுத்த முடியாமல் போகலாம். இமெயில் முக‌வ‌ரியை சம‌ர்பிப்ப‌தில் இன்னோரு பிர‌ச்ச‌னையும் இருக்கிற‌து.இமெயில் முக‌வ‌ரியை தருவ‌து என்ப‌து திற‌ந்த‌வெளியில் ப‌ன‌த்தை வைப்ப‌து போல‌ தான்.அது க‌ள‌வாட‌ப்ப‌டும் வாய்ப்பு இருக்க‌வே செய்கிற‌து.இப்ப‌டி ச‌ம‌ர்பிக்க‌ப்ப‌டும் இமெயில்க‌ளை கொத்திச்செல்வ‌தற்காக‌ என்றே பாட்க‌ள் என்று சொல்ல‌ப்ப‌டும் குட்டி ரோபோக்க‌ள் இணைய‌த்தில் உலாவிக்கொண்டிருக்கின்ற‌ன‌. அத‌ன் பிற‌கு உங்க‌ளுக்கு அழையா மெயில்க‌ளை அனுப்பி வைக்கும்.உங்க‌ள் முக‌வ‌ரி பெட்டியில் அடிக்க‌டு வ‌ந்து சேரும் எரிச்ச‌லூட்டும் வியாபார‌ ,விள‌ம்ப‌ர‌ மெயில்க‌ள் வ‌ந்து சேருவ‌து இப்ப‌டி தான். இந்த‌ பிர‌ச்ச‌னைக்கு அழ‌கான‌ ஒரு தீர்வு இருக்கிற‌து.http://scr.iம்/ இணைய‌த‌ள‌ம் அந்த‌ தீர்வை வ‌ழ‌ங்குகிற‌து.இமெயில் கோரும் எந்த‌ சேவையும் ப‌ய‌ன்ப‌டுத்தும் முன் இந்த‌ த‌ள‌த்திற்கு சென்று உங்க‌ள் இமெயிலை ச‌ம‌ர்பிக்க‌ வேண்டும்.உட‌னே அந்த‌ முக‌வ‌ரியை யாரும் ப‌டிக்க‌ முடியாத குறிச்சொற்க‌ளாக‌ மாற்றிவிடும். இனி இமெயிலுக்கு ப‌திலாக‌ இந்த‌ குறிச்சொற்க‌ளை ச‌ம‌ர்பிக்க‌லாம்.இவ்வாறு செய்வ‌த‌ன் மூல‌ம் உங்க‌ள் இமெயில் பாதுகாப்பான‌தாக‌ இருக்கும்.குறிச்சொற்க‌ள் மூடிய‌ இந்த‌ இமெயிலை ரோபோக்க‌ள் ப‌டிக்க‌ முடியாது.அவ‌ற்றோடு கேட்க‌ப்ப‌டும் ர‌க‌சிய‌ கேள்விக்கு ப‌தில் அளிக்கும் ந‌ப‌ர்கள் ம‌ட்டுமே இத‌னை ப‌டிக்க‌ முடியும். சூவ‌ர்ஸ்ய‌மான‌ சேவை;முய‌ற்சித்து பார்க்க‌லாம்.

————

link;http://scr.im/

-

தமிழில் தகவல் வேட்டை நடத்த விரும்பினால் அதற்கேற்ற தமிழ் தேடியந்திரம் இருப்பது உங்களுக்கு தெரியுமா?

தமிழ்வேட்டை என்னும் பொருள்படும் ‘தமில்ஹண்ட்’ தான் அந்த தேடியந்திரம்.

தமிழ் செய்தி தளங்கள்,வலைப்பதிவுகள் என இண்டெர்நெட்டில் தமிழ் சார்ந்த விஷயங்கள் பொங்கிப்பெருக தொடங்கியிருக்கின்றன.தொழில்நுட்ப செய்திகள் மற்றும் வர்த்தக துறை செய்திகளை கூட தமிழிலேயே படிக்க முடிகிறது.

தமிழில் தகவல்கல் நிறையும் வேளையில் அவற்றை சுலபமாக தேடிப்படிக்க உதவக்கூடிய தேடியந்திரத்தின் தேவை ஏற்படுவது இயல்பானது தான்.

 இந்நிலையில் த‌மிழிலேயே த‌க‌வ‌லை தேட‌ கைகொடுக்க‌ கூடிய‌ தேடிய‌ந்திர‌மாக‌ த‌மிழ்ஹ‌ண்ட் இருக்கிற‌து.

இந்த தேடிய‌ந்திர‌த்தின் சிற‌ப்பு த‌மிழில் டைப் செய்வ‌த‌ற்கான‌ வ‌ச‌தியும் இருப்ப‌து தான். அதிலும் போன‌டிக் முறையில் டை செய்ய‌லாம். முத‌லில் உள்ள‌ க‌ட்ட‌த்தில் அங்கில‌த்தில் டை செய்தால் கீழே உள்ள‌ க‌ட்ட‌த்தில் த‌மிழில் அந்த‌ வார்த்தை வ‌ந்து விடுகிற‌து.அத‌ன் பிற‌கு கிளிக் செய்தால் த‌மிழில் த‌க‌வ‌ல் முடிவுக‌ள் தோன்றுகின்ற‌ன‌.

த‌மிழ் இணைய‌த்தில் உலாவ‌ விரும்பிகிற‌வ‌ர்க‌ளுக்கு ச‌ரியான‌ தேடிய‌ந்திர‌ம் இதுவென்றே தோன்றுகிற‌து.

வ‌டிவ‌மைப்பிலும் நேர்த்தியை கொண்டிருக்கும் இந்த‌ த‌ள‌த்தை உல‌க‌ த‌மிழ‌ர்க‌ள் த‌மிழில் வெளியாகும் ப‌டைப்புக‌ளை தேடி ப‌டிக்க‌ உத‌வியாக‌ சுர‌தா என்ப‌வ‌ர் இத‌னை உருவாக்கிய‌தாக‌ குறிப்பிட‌ப்ப‌ட்டுள்ள‌து.(அடிப்படையில் கூகுல் தேடல் முடிவுகளையே ப‌யன்படுத்துவதாக அறிய முடிகிறது)

அதிக‌ம் பிர‌ப‌லாமாக‌ம‌லே இருக்கும் இத‌னை ம‌க்க‌ளிட‌ம் கொண்டு சேர்ப்ப‌த‌ற்காக‌ கும‌ரியை சேர்ந்த‌ ஒருவ‌ர் தேடிய‌ந்திர‌த்துக்கான‌ த‌ள‌த்தை ந‌ட‌த்தி வ‌ருவ‌தாக‌ அறிய‌ முடிகிற‌து.

இந்த‌ த‌மிழ் தேடிய‌ந்திர‌த்தை ப‌ய‌ன்ப‌டுத்திப்பார்த்து அது ப‌ற்றி ந‌ண்ப‌ர்க‌ளுக்கு ப‌ரிந்துரை செய்யுமாறு வேண்டுகிறேன்.ந‌ம் த‌மிழ் தேடிய‌ந்திர‌த்தை ந‌ம்மமைத்த‌விர‌ ஆத‌ரிப்ப‌து வேறு யார்?

——

link;
http://www.tamilhunt.com/

இந்திய திரைப்பட வரலாற்றில் முதல் முறையாக யூடியூப்பில் ஒரு திரைப்படம் வெளியாக உள்ளது.அமீர் கான் நடிப்பில் வெளியாக உள்ள 3 இடியட்ஸ் திரைப்படம் அதன் உள்ளடக்கம் மற்றும் புதுமையான விளம்பர அணுகுமுறை காரணமாக எதிரப்பர்ப்பை ஏற்படுத்தியுள்ளது.

ராஜ்கூமர் ஹிரானி இயக்கத்தில் உருவாகியுள்ள இந்த படத்தில் நம்மூர் மாதவனும் நடித்துள்ளார். புகழ் பெற்ற எழுத்தாளர் சேத்தன் பகத் எழுதிய 5 பாயிண்ட் சம்திங் நாவலை மையமாக வைத்து எடுக்கபப்ட்ட இந்த படம் விரைவில் வெளியாக‌ உள்ளது.

இந்நிலையில் படத்தின் தயாரிப்பாளர் வித் சோபரா ஒரு முக்கிய அறிவிப்பை வெளியிட்டுள்ளார்.படம் வெளியான பிறகு இதனை ரசிகர்கள் யூடியூப்பில் டவுண்லோடு செய்து பார்க்கலாம் என்பதே அந்த அறிவிப்பு.

ப‌ட‌ம் வெளியான‌ 12 வ‌ர‌ங்க‌ளுக்கு பி அத‌னை யூடியூப்பில் ச‌ட்ட‌ப்பூர்வ‌மாக‌ ட‌வுண்லோடு செய்ய‌லாம் எஅன் அவ‌ர் தெரிவித்துள்ளார்.

தெயேட்ட்ர‌க்ளில் ப‌ட‌த்தை பார்க்க‌ முடியாத‌வ‌ர்க‌ள் அத‌னை திருட்டுத்த‌ன‌மாக‌ பார்ப்ப‌தை த‌விர்க்க‌ இந்த‌ முடிவு என‌ அவ‌ர் கூறியுள்ளார்.

இத‌ன் மூல‌ம் யூடியூப்பில் வெளியாகும் முத‌ல் இந்தி ப‌ட‌ம் என்னும் சிற‌ப்பை அது பெறும்.

இண்டெர்நெட்டில் ப‌டங்க‌ளும், பாட‌ல்க‌ளும் ச‌ர்வ‌ ச‌க‌ஜ‌மாக‌ ட‌வுண்லோடு செய்ய‌ப்ப‌ட்டு வ‌ரும் நிலையில் காப்புரிமைக்காக வ‌ர்த்த‌க் நிறுவ‌னங்க‌ள் கிடுக்கிப்பிடி போட்டு வ‌ரும் நிலையில் வெளியாகியுள்ள‌ இந்த‌ அறிவிப்பு முக்கிய‌மான‌து.

ட‌வுண்லோடுக்கு த‌டை போடுவ‌தை விட‌ அத‌னை ச‌ட்ட‌பூர்வ‌மாக்குவ‌தே சிற‌ந்த‌ வ‌ழி என்னும் க‌ருத்திற்கு இது வ‌லு சேர்க்கிற‌து.ம‌ற்ற‌வ‌ர்க‌ளும் இந்த‌ வ‌ழிக்கு வ‌ந்தாக‌ வேணிடும்.

பாலிவுட்டின் நம்பர் ஒன் நடிகை யாராக வேண்டுமானாலும் இருக்கட்டும் டிவிட்டரை பொருத்தவரை பிரியங்கா சோப்ரா தான் நம்பர் ஒன் இடத்தில் இருக்கிறார்.அதாவ‌து டிவிட்ட‌ரை ப‌ய‌ன்ப‌டுத்தும் பாலிவுட் ந‌ட்ச‌த்திர‌ங்க‌ளின் வ‌ரிசையில் பிரிய‌ங்கா முத‌லிட‌த்தை பிடித்திருக்கிறார்.

குறும் வ‌லைப்ப‌திவு சேவையான‌ டிவிட்ட‌ரை ர‌சிக‌ர்க‌ளோடு நேர‌டியாக‌ தொட‌ர்பு கொள்ளும் வ‌ழியாக‌ க‌ருதி பிரப‌ல‌ங்க‌ள் அத‌னை ஆர்வ‌த்தோடு ப‌ய‌ன்ப‌டுத்தி வ‌ருகின்ற‌ன‌ர்.ஹாலிவுட் பிரப‌ல‌ங்க‌ல் அள‌வுக்கு இல்லாவிட்டாலும் பாலிவுட் ந‌டிகைக‌ளும் டிவிட்ட‌ரை ஆர்வ‌த்தோடு ப‌ய‌ன்ப‌டுத்தி வ‌ருகின்ற‌ன‌ர்.

ம‌ல்லிகா ஷெராவ‌த்,சோன‌ம் க‌பூர்,பிரித்தி ஜின்தா,லாரா த‌த்தா என‌ நீளும் இந்த‌ ப‌ட்டிய‌லில் பிரிய‌ங்கா சோப்ராவே முத‌லிட‌த்தில் இருக்கிறார்.ச‌மீப‌த்தில் டிவிட்ட‌ரில் ஒரு மைல் க‌ல்லையும் அவ‌ர் எட்டிப்பிடித்திருக்கிறார்.

டிவிட்ட‌ர் ப‌திவுக‌ளை ப‌டிக்க‌ விரும்புகிற‌வ‌ர்க‌ள் பின்தொட‌ர்ப‌வ‌ர்க‌ளாக‌ சேர்ந்து கொள்ளும் வ‌ச‌தி இருப்ப‌தை நீங்க‌ள் அறிந்திருக்க‌லாம்.ல‌ட்ச‌க்க‌ன‌க்கில் பிதொட‌ர்ப‌வ‌ர்க‌ளை பெற்றுள்ள‌ பிர‌ப‌ல‌ங்க‌ள் எல்லாம் இருக்கின்ற‌ன‌ர்.இந்தியாவைப்பொருத்த‌வ‌ரை இப்போது தான் ந‌ட்ச‌த்திர‌ம் ஒருவ‌ர் ஒரு ல‌ட்ச‌ம் பின்தொட‌ர்ப‌வ‌ர்க‌ளை பெற்றுள்ளார்.பிரிய‌ங்கா தான் அந்த‌ ந‌ட்ச‌த்திர‌ம்.

அவ‌ருக்கு அடுத்த‌ இட‌த்தில் உள்ள‌ சோன‌ம் க‌பூருக்கு 34000 பின்தொட‌ர்ப‌வ‌ர்க‌ளும் க‌வ‌ர்ச்சி புய‌ல் ம‌ல்லிகாவிற்கு 28000 பிதொடர்ப‌வ‌ர்க‌ளும் ம‌ட்டுமே உள்ள‌ன‌ர் என்னும் போது ம‌ல்லிகாவுக்கு கிடைத்துள்ள‌ இந்த‌ ஆத‌ர‌வு சிற‌ப்பான‌து என்ப‌து புரியும்.

ந‌டிகைக‌ளில் முத‌லில் டிவிட்ட‌ரை ப‌ய‌ன்ப‌டுத்த‌ துவ‌ங்கிய‌வ‌ர் பிரிய‌ங்கா என்னும் போது இந்த‌ மைல்க‌ல் பொருத்த‌மான‌தே.

இந்திய‌ அள‌வில் ம‌த்திய‌ அமைச்ச‌ர் ச‌ஷி த‌ரூர் 5 ல‌ட்ச‌ம் பின்தொட‌ர்ப‌வ‌ர்க‌ளோடு முத‌லிட‌த்தில் உள்ளார்.பிரிய‌ங்கா அவ‌ருக்கு அடுத்த‌ இட‌த்தில் உள்ளார்.

ந‌ட்ச‌த்திர‌ங்க‌ளின் டிவிட்ட‌ர் ப‌ய‌ன்பாடு ப‌ற்றி ஒரு உப‌ரி செய்தி.ச‌மீப‌த்தில் ஐஸ்வர்யா ராயும் டிவிட்ட‌ரில் சேர்ந்து கொண்டார்.ஆனால் அவ‌ர் த‌ன‌க்கான‌ த‌னி டிவிட்ட‌ர் ப‌க்க‌த்தை உருவாக்கி கொள்ளாம‌ல் த‌ன‌து க‌ண‌வ‌ர் அபிஷேக்கின் ப‌க்க‌த்திலிருந்தே டிவிட்ட‌ர் செய்தார்.

த‌ன‌க்கு கிடைத்த‌ ஒரு நால் ஓய்வை க‌ணவ‌ர்ரோடு க‌ழிப்ப‌த‌ற்காக‌ கோவா செல்ல‌ப்போவ‌தாக‌ ம‌கிழ்ச்சியோடு அந்த‌ ப‌திவில் ஐஸ் குறிப்பிட்டிருந்தார்.

—–

link;
http://twitter.com/priyankachopra

சிறந்த பிரவுசர் எது என்பதற்கான பதில் வேறுபடலாம்.கூகுல் அபிமானிகள் குரோம் சிறந்தது என கருதலாம்.ஒபன் சோர்ஸ் பிரியர்கள் ஃபயர்பாக்ஸே ஆகச்சிறந்தது என வாதிடலாம்.சிலர் ஒபராவுக்கு நிகர் இல்லை என்றும் க‌ருதலாம்.இவற்றைத்தவிர ஆப்பிள் அபிமானிகளூக்கான சஃபாரி இருக்கிற‌து.பிரபலமான மற்றும் அதிகம் பயன்படுத்தப்படும் எக்ஸ்பிளோரர் இருக்கிறது.

ஒவ்வொரு பிரவுசரிலும் குறைகள் உண்டு.அவற்றுக்கான சிறப்பம்சங்கள் உண்டு.எனவே சிறந்த பிரவுசர் எது என்பது விவாதத்திற்கு உரிய ஒன்று.

விஷயம் என்னவென்றால் இணையவாசிகள் பல்வேறு பிரவுசர்களை பயன்படுத்திக்கொண்டிருக்கின்றனர் என்பதே.அதாவது ஒரு இணைய‌த‌ள‌ம் ஒன்றுக்கும் மேற்ப‌ட்ட‌ பிர‌வுச‌ர்க‌ளில் பார்க்க‌ப்ப‌டுகின்ற‌ன‌.அதானால் என்ன‌ என்று கேட்கிறீர்க‌ளா?

இண்டெர்நெட் உல‌கில் பிர‌வுச‌ருக்கேற்ற‌ இணைய‌த‌ள‌ம் என்று ஒரு கோட்பாடு இருக்கிற‌து.அதாவ‌து குறிப்பிட்ட‌ பிர‌வுச‌ரில் சிற‌ப்பாக‌ தோன்ற‌க்கூடிய‌ வ‌கையில் இணைய‌த‌ள‌ம் உருவாக்க‌ப்ப‌ட்டிருக்கும்.இணைய‌த‌ள‌த்தின் கீழேயே இத்துணுண்டு எழுத்துக்க‌ளில் இந்த‌ இணைய‌த‌ள‌ம் இந்த‌ பிர‌வுச‌ரில் சிற‌ப்பாக‌ செய‌ல்ப‌ட‌க்கூடிய‌து என‌ குறிப்பிட‌ப்ப‌ட்டிருக்கும்.அதனைத்த‌விர‌ ம‌ற்ற‌ பிர‌வுச‌ர்க‌ளில் பிர‌ச்ச்னை ஏற்ப‌ட‌லாம்.

இவ்வாறு இல்லாம‌ல் எந்த‌ ஒரு இணைய‌த‌ள‌மும் சுல‌ப‌மாக‌ பார்க்க‌கூடிய‌ வகையில் பிர‌வுச‌ர்க‌ள் இருக்க‌ வேண்டும் என்று வ‌லியுறுத்த‌ப்ப‌ட்டு வ‌ருகிற‌து.இத‌ற்காக‌ பிர‌வுச‌ர்க‌ளுக்கு என்று பொதுவான‌ தர அள‌வுகோள் க‌டை பிடிக்க‌ப்பட‌ வேண்டும் என்றும் வாதிட‌ப்ப‌டுகிற‌து.

பொதுவான‌ இண்டெர்நெட்டில் ந‌ம்பிக்கை கொண்ட‌வ‌ர்க‌ள் இத‌ற்காக‌ ஒரு இய‌க்க‌மே ந‌டத்தி வ‌ருகின்ற‌ன‌ர்.

இந்த‌ இய‌க்க‌த்தின் அடிப்ப‌டையாக‌ உள்ள‌ இணைய‌த‌ள‌ங்க‌ள் ப‌ற்றி பின்ன‌ர் விரிவாக‌ பார்ப்போம்.இப்போது ப‌ல‌வித‌மான‌ பிர‌வுச‌ர்க‌ளுக்கு வ‌ருவோம்.பெரும்பாலான‌ இணைய‌தள‌ங்க‌ள் குறிப்பிட்ட‌ ஒரு பிர‌வுச‌ரை ம‌ன‌தில் கொண்டு வ‌டிவ‌மைக்க‌ப்ப‌ட்டுள்ள‌ன‌.ம‌ற்ற‌ பிர‌வுச‌ர்க‌ளில் பார்க்க‌ப்ப‌டும் போது இந்த‌ இணைய‌த‌ள‌ங்க‌ள் சிக்க‌லை ஏற்ப‌டுத்த‌லாம்.

மேலும் பிற‌ பிர‌வுச‌ர்க‌ளில் பார்க்க‌ப்ப‌டும் போது வ‌டிவ‌மைப்பின் அழ‌கிய‌லிலும் மாற்ற‌ம் தெரிய‌லாம்.இணைய‌வாசிக‌ளுக்கு இந்த மாற்ற‌ங்க‌ள் பெரித‌ல்ல‌. ஆனால் இணைய‌த‌ள‌ உரிமையால‌ர்க‌ள் மற்றும் வ‌டிவ‌மைப்பு க‌லைஞர்க‌ளுக்கு இவை மிக‌வும் முக்கிய‌ம்.

ஒரு இணைய‌த‌ள‌ம் ம‌ற்ற‌ பிர‌வுச‌ர்க‌ளில் எப்ப‌டி காட்சி அளிக்கின்ற‌ன‌ என்று பார்க்கும் போது அதில் உள்ள‌ குறைக‌ள் ப‌ளிச்சென‌ புரியும்.அதோடு வ‌டிவ‌மைப்பில் எந்த‌ எந்த‌ அம்ச‌ங‌க்ளை மேம்ப‌டுத்தலாம் என்றும் தெரிந்து கொள்ள‌லாம்.

இத‌ற்காக‌ ஒவ்வொரு பிர‌வுச‌ராக‌ இணைய‌த‌ள‌த்தை பார்க்க‌ வேன்டும் என்றில்லை.அத‌ற்காக‌ என்றே ஒரு இணைய‌தள‌ம் இருக்கிற‌து.’பிர‌விச‌ர்ஷாட்ஸ்’ என்னும் அந்த‌ த‌ள‌த்தில் ஒரு இணைய‌த‌ள‌த்தை ச‌ம‌ர்பித்தால் ஒவ்வொரு பிர‌வுச‌ரிலும் அது எப்ப‌டி காட்சிய‌ளிக்கும் என்று பார்த்து விட‌லாம்.

அத‌ன் பிற‌கு தேவையான‌ மாற்ற‌ங்க‌ளை மேற்கொள்ள‌லாம்.

பிர‌வுச‌ர் ம‌ற்றும் இணைய‌த‌ள‌ வ‌டிவ‌மைப்பில் ஆர்வ‌ம் கொண்ட‌வ‌ர்க‌ளுக்கு ப‌ய‌னுள்ள‌ த‌ள‌ம்.

பிர‌வுச‌ர் உல‌கில் இருந்து ம‌ற்றொரு செய்தி. பிர‌வுச‌ர் வ‌ர‌லாற்றில் முத‌ல் முறையாக‌ ஃப‌ய‌ர்பாக்ஸ்3.5 எக்பிளோர‌ரை பின்னுக்குத்த‌ள்ளிவிட்டு அதிக‌ம் பய‌ன்ப‌டுத்த‌ப்ப‌டும் பிர‌வுச‌ர் என்னும் சிற‌ப்பை பெற்றுள்ள‌து.ஆக‌ ஃப்ய‌ர்பாக்ஸை ந‌ம்ப‌ர் ஒன் என்று சொல்ல‌லாம்.

—-

link;
http://browsershots.org/

பதிவின் தலைப்பை பார்த்து விட்டு நம்ம சிம்மனும் சினிமா விமர்ன‌த்தில் இறங்கிவிட்டதாக நினைக்க வேண்டாம்.இது வேட்டைக்காரன் விமர்சனம் அல்ல.அப்படியென்றால் பதிவுலகில் இப்போது வேட்டைக்காரன் தொடர்பான பதிவுலகில் தெறித்துக்கொண்டிருப்பதால் அதனை பய‌ன்படுத்திக்கொள்வதற்காக போடப்பட்ட தலைப்போ என்றும் கருத வேண்டாம்.

இந்த பதிவு வேட்டைக்காரனில் இருந்து துவங்கியிருக்கும் புதிய தமிழிஷ் சேவை தொடர்பானது.

பொதுவாக பெரிய‌ ப‌ட‌ங்க‌ள் வெளியாகும் போது ப‌திவுல‌கில் அது தொட‌ர்பான‌ செய்திக‌ளும் விம‌ர்ச‌ன‌ங்களும் அதிக‌ம் வெளியாவ‌து வ‌ழ‌க்க‌ம் தான்.க‌ந்த‌சாமி போன்ற‌ ப‌ட‌ங்க‌ளின் போது இத‌னை பார்த்திருக்கிறோம்.வேட்டைக்கார‌னைப்பொருத்த‌வ‌ரை இத‌ற்கு முன் வேறு எந்த் ப‌ட‌ங்களுக்கும் இல்லாத‌ அள‌வு என்று சொல்ல‌க்கூடிய‌ அள‌வுக்கு அதிக‌ விம‌ர்ச‌ன‌ங்க‌ள் வேட்டைக்கார‌ன் பற்றி வெளியாகி வ‌ருகின்ற‌ன‌.பாராட்டு, அதீத‌ பாராட்டு,கேலி,கிண்ட‌ல்,ஒப்பீடு,ந‌க்கல் என‌ ப‌ல‌வித‌ங்க‌ளில் ப‌திவுக‌ள் அமைந்துள்ள‌ன.

வேட்டைக்கார‌ன் ப‌ட‌த்தின் சிற‌ப்புக்க‌ள் ம‌ட்டும் ஓட்டைக‌ள் அல‌ச‌ப்ப‌ட்டுள்ள‌தோடு ஒரு ந‌டிக‌ராக‌ விஜய்யின் செல்வாக்கும் ஆராய‌ப்ப‌ட்டுள்ளன‌.அதோடு ‘த‌ல’யையும் விட்டு வைக்காம‌ல் ஒப்பீட்டு பார்க்கும் ப‌திவுக‌ளும் அநேக‌ம்.

மொத்த‌தில் ப‌திவுல‌கில் வேட்டைக்கார‌னின் வேட்டை தான்.விஜ‌ய்யின் செல்வாக்கின் அடையாள‌மாக‌ இத‌னை க‌ருத‌லாமா என்று தெரிய‌வில்லை.ஆனால் இன்றைய‌ தேதிக்கு ப‌திவுல‌கில் வேட்டைக்கார‌ன் சூப்ப‌ர் ஹிட்.பதிவுலகின் பாதிப்பை பொருத்தவரை இதனை மைல்கல் என்றும் சொல்லலாம்.

த‌மிழிஷ் அல்ல‌து த‌மிழ்ம‌ண‌ம் போன்ற‌ த‌ள‌ங்க‌ளை பார்க்கும் போதே இது தெரியும்.

ப‌திவ‌ர்க‌ள் ம‌த்தியில் வேட்டைக்கார‌ன் ப‌ற்றிய‌ ஆர்வ‌ம் தூக்க‌லாக‌ இருப்ப‌தை உண‌ர்த்தும் வ‌கையில் த‌மிழிஷ் தள‌த்தில் அத‌ற்கென‌ த‌னிப்ப‌குதி துவ‌ங்க‌ப்ப‌ட்டுள்ள‌து.சூடான‌ ச‌ங்க‌தி என்னும் த‌லைப்பின் கீழ் வேட்டைக்கார‌ன் ப‌திவுக‌ள் தொகுத்த‌ளிக்க‌ப்ப‌ட்டுள்ள‌ன‌.

வேட்டைக்கார‌னைப்போல‌ மேலோங்கும் ப‌திவுக‌ளை இப்ப‌டி சூடான‌ ச‌ங்க‌தி என்னும் த‌லைப்பின் கீழ் த‌ரப்போவ‌தாக‌ த‌மிழிஷ் அறிவித்துள்ள‌து.வ‌ர‌வேற்க‌த்த‌க்க‌ சேவை இது. பொதுவாக‌வே அதிக‌ம் ப‌டிக்க‌ப்ப‌டும் அல்ல‌து விவாதிக்க‌ப்ப‌டும் விஷயங்க‌ளை சூடான‌ போக்கு என‌ ப‌ட்டிய‌லிட்டு காட்டுவ‌து இண்டெர்நெட் உல‌கில் வ‌ழ‌க்க‌ம்.த‌மிழிலும் இப்போது இந்த‌ வ‌ழ‌க்க‌த்தை த‌மிழிஷ் கொண்டு வ‌ந்துள்ள‌து. இத‌ன் மூல‌ம் செய்தி உலகில் புதிய‌ போக்குக‌ளை தெரிந்து கொள்ள் முடியும்.

இதே போல‌ ஆண்டு இறுதியில் வ‌ழ‌க்காமாக‌ வெளியிட‌ப்ப‌டும் ஆண்டின் செல்வாக்கு பெற்ற‌ போக்குக‌ளின் ப‌ட்டிய‌லையும் த‌மிழ்ஷ் வெளியிட்டால் ந‌ன்றாக‌ இருக்கும்.