டிவிட்டர் குறும்பதிவுகளை சுலபமாக டெலிட் செய்ய!

திடிரென ஒரு கட்டத்தில் டிவிட்டர் பக்கத்தை சுத்தமாக்க வேண்டும் என்ற எண்ணம் தோன்றலாம்.அதாவது எல்லா குறும்பதிவுகளையுக் அழித்து விட்டு மீண்டும் புதிதாக துவங்கலாம் என்று தோன்றலாம்.

பல காரணங்களினால் இந்த தேவை ஏற்படலாம்.ஒரு ஆர்வத்தில் டிவிட்டர் செய்ய துவங்கி மனதில் தோன்றுவதை எல்லாம் குறும்பதிவுகளாக பகிர்ந்து கொண்டிருப்போம்.ஆனால் டிவிட்டரின் ஆர்ம்ப உற்சாகம் வடிந்த நிலையில் யோசித்து பார்த்தால் தேவையில்லாத விஷயங்களை எல்லாம் பகிர்ந்து கொண்டிருப்பதாக தோன்றலாம்.

அல்லது டிவிட்டரில் பகிரும் விஷயங்களின் திசையை மாற்றி கொள்ளலாம் என்று தோன்றலாம்.

காரணம் என்னவாக இருந்தாலும் டிவிட்டர் குறும்பதிவுகள் அனைத்தையும் நீக்கி விட வேண்டுன் என்று விரும்பும் போது அதனை செய்து முடிப்பது கடினமானது.ஒவ்வொரு பதிவாக நீக்கி கொண்டிருந்தால் அலுத்து போய்விடலாம்.

இது போன்ற நேரங்களில் டிவிட் வைப் இணையளத்தை நாடலாம்.இந்த தளம் டிவிட்டர் பக்கத்தில் உள்ள குறும்பதிவுகளை அனைத்தையும் நிக்கி அதனை துடைத்து தருகிறது.(இதற்கு கொஞ்சம் காத்திருக்க வேண்டும் என்கிறது இந்த தளம்)

இதற்கு பதிலாக டிவிட்டர் கணக்கையே நீக்கி விடலாமே என்று கேட்கலாம்.நீக்கலாம் தான்.ஆனால் டிவிட்டர் வெளியில் இருந்து முற்றிலுமாக வெளியேறிவிட முடிவு செய்யும் போது தான் இது சரியாக இருக்கும்.காரணம் டிவிட்டர் கணக்கை நீக்கியவுடன் டிவிட்டரில் நமது அடையாளத்தை இழந்து விடுவோம்.மீண்டும் நுழைஅ நினைத்தால் புதிய பெயரில் தான் கணக்கை துவக்க வேண்டும்.அதோடு ஏற்கனவே பெற்றிருந்த டிவிட்டர் தொடர்புகளை இழந்து விடுவோம்.

டிவிட் வைப் சேவையை பயன்ப‌டுத்தும் போது டிவிட்டர் கணக்கை இழக்க மாட்டோம்.குறும்பதிவுகளை மட்டுமே நீக்குவோம்.அதே பெயரில் நாம் தொடர்ந்து குறும்பதிவு செய்யலாம்.பின்தொடர்பாளர்களையும் இழக்காமல் இருப்போம்.

இதே போல டிவிட்டரில் குறிப்பிட்ட தலைப்பிலான குறும்பதிவுகளை மட்டும் நீக்கி கொள்ளும் வசதியை டிகிளட்டர் வழங்குகிறது.புக்மார்க்லெட் வகையை சேர்ந்த இந்த சேவையிடம் வேன்டாத பதிவுகளுக்கான குறிச்சொற்களை சம‌ர்பித்தால் அவற்றை மட்டும் நீக்கி விடுகிறது.

இணையத‌ள முகவரி;http://twitwipe.com/login.php

http://www.conroyp.com/2010/03/11/declutter/

Advertisements

One response to “டிவிட்டர் குறும்பதிவுகளை சுலபமாக டெலிட் செய்ய!

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s