தோழர்களை தட்டி கொடுக்க ஒரு இணையதளம்.


மனிதன் எத்தனை கம்பீரமான சொல் என்று மக்சிம் கார்க்கி வியந்தது போல பாராட்டு தான் எத்தனை மகத்தான செயல்.பாராட்டு அதனை பெறுபவரின் முகத்திலும் அகத்திலும் மலர்ச்சியை ஏற்படுத்துகிறது.அங்கீகரிக்கப்பட்ட உணர்வை தருகிறது.நல்ல பாராட்டு இன்னும் எத்தனையோ அற்புதங்களை செய்ய வல்லது.

நாம் எல்லோருமே பாராட்டுகிறோம்.பாரட்டப்படுகிறோம்.இதனை உலகறிய செய்தால் என்ன என்று கேட்கிறது லாடிட்ஸ் இணையதளம்.

நண்பர்களுக்கான பாராட்டை தெரிவிப்பதற்கான இணைய சேவையாக இந்த தளம் உருவக்கப்பட்டுள்ளது.அதன் மூலம் நண்பர்களுக்கு புதிய வாயில்களை திறந்து விடுவதற்கான வாய்ப்பையும் ஏற்படுத்தி தருவதாக சொல்கிறது இந்த தளம்.

நண்பர்கள் என்பது இங்கே அலுவலகத்தில் பணியாற்றும் சக ஊழியர்களை குறிக்கிறது.ஏதோ ஒரு விதத்தில் அவர்கள் பணியாற்றும் விதம் உங்களை கவ‌ர்ந்திருந்தால் அல்லது உங்கள் வேலையில் அவர்கள் திறம்பட உதவியிருந்தால் அதற்கான பாராட்டையும் நன்றியையும் இந்த தளம் வழியே பகிர்ந்து கொள்ளலாம்.

பொதுவாக இது எந்த எதிர்பார்ப்பும் இல்லாமல் பலரும் செய்வது தான் .சிலர் செய்யாமல் இருப்பதும் உண்டு.அது அல்ல விஷயம்.சக ஊழிய‌ர்களை பாராட்டும் போது அது வெளியுலகிற்கு தெரியாமலேயே போய் விடுகின்றது.காரணம் ஒன்று நண்பரிடமே பாராட்டை தெரிவிப்போம் அல்லது அவரைப்பற்றி சக நண்பர்களிடம் பாராட்டுவோம்.எப்படி இருந்தாலும் மற்றவர்கள் இதனை அறிய நியாயமில்லை.

மற்றவர்கள் அறிய வேண்டிய அவசியமும் இல்லை தான்.ஆனால் அதே துறையில் இருப்பவர்கள் நண்பரின் இந்த திறமையை அறிந்திருப்பது அவசியம் தானே.காரணம் எந்த திறமையும் குன்றிலிட்ட விளக்காக சுருங்கி விடக்கூடாது தானே!

உதாரணத்திற்கு உங்கள் சகாக்களில் ஒருவர் எத்தனை நெருக்கடி வந்தாலும் அசராமல் பதட்டப்படாமல் வேலை பார்ப்பவராக இருக்கலாம்.நீங்களே கூட இக்கட்டான நிலையில் சிக்கி கொண்ட போது அவர் உதவிக்கு வந்து பக்கவாக அந்த வேலையை முடித்து கொடுத்திருக்கலாம்.அதே போல ஆவேசமாக வரும் வாடிக்கையாளர்களிடம் நேர்த்தியாக பேசி சமாளிக்கும் திறன் கொண்டவர்கள் இருக்கலாம்.யாரவது சொதப்பி விட்டால் அது வெளியே தெரியாமல் சமாளித்து காப்பாற்றும் நபர்களும் இருக்கலாம்.

தப்பே இல்லாமல் அடித்து தரும் டிடிபி ஆப்பரேட்டர்,ஒரே நேரத்தில் பல தொலை பேசி அழைப்புகள் வந்தாலும் எல்லா அழைப்புகளுக்கும் கச்சிதமாக பதில் சொல்லி அழைப்புகள் பற்றி உரியவர்களிடம் மறக்காமல் தகவல் சொல்லும் வரவேற்பாளினிகள்,கடைசி நேரத்திலும் பதட்டமே இல்லாமல் முக்கிய செய்தியை சட்டென அடித்து தரும் தலைமை நிருபர் என்று பாராட்டுக்குரியவர்களை சொல்லிக்கொண்டே போகலாம்.

துறைக்கு துறை நிறுவனத்திற்கு இது மாறுபடலாம்.ஆனால் வேலையில் அதீத திறமையை வெளிப்படுத்தி சபாஷ் வாங்கும் நபர்கள் எல்லா இடங்களிலும் உண்டு.இவர்களை பாராட்டும் தருணங்களும் உண்டு.

இந்த பாராட்டுக்களை எல்லாம் பகிரங்கமாக பகிர்ந்து கொள்ளுங்களேன் என்கிறது லாடிட்ஸ்.அப்படி பகிர்ந்து கொண்டால் அதே துறையில் இருப்பவர்கள் அந்த நண்பரின் திறமையை தெரிந்து கொள்ள வாய்ப்பாக இருக்குமே என்றும் லாடிட்ஸ் சொல்கிறது.அதோடு அவருக்கு புதிய வேலை வாய்ப்பு கிடைக்கவும் வழி செய்யக்கூடும்.

தொழில் துறையினருக்கான பேஸ்புக்காக கருதப்படும் லின்க்டுஇன் தளத்தின் உறுப்பினர் கணக்கை கொண்டு இதில் உறுப்பினராக சேர வேண்டும்.அதன் பிறகு எந்த சகாவை பாராட்ட விரும்புகிறிர்களோ அவர்களை பயரை குறிப்பிட்டு பாராட்டிற்கான காரணங்களையும் எழுதி அவ்ருக்கு இமெயில் மூலம் அனுப்பி வைக்க வேண்டும்.

இந்த பாராட்டு நண்பரின் முகத்தில் மகிழ்ச்சியை ஏற்படுத்தும் என்பதோடு இந்த பாராட்டு பத்திரத்தை அவர் தனது லின்க்டுஇன் பக்கத்தில் பெருமிதத்தோடு இடம் பெறவும் வைக்கலாம்.

லின்க்டுஇன் தொழில் ரீதியாக பயன்படுத்தப்படும் சமூக வலைப்பின்னல் என்பதை நீங்கள் அறிந்திருக்கலாம்.நிறுவனங்களில் பணியாற்றுபவர்களே அதில் உறுப்பினராக இருக்கின்றனர்.அது மட்டுமா வேலை வாய்ய்பு தேடுபவர்களும் சரி வேலைக்கு பொருத்தமானவர்களை தேடுபவர்களும் சரி இந்த வலைப்பின்னலை தான் பயன்படுத்துகின்றனர்.

எனவே நண்பர்களின் வேலை திறமை பற்றிய உங்களின் மனந்திறந்த பாராட்டு நல்ல சம்பளத்தோடு பெரிய நிறுவனங்கள் அவர்களை கொத்தி கொண்டு போக வைக்கலாம்.அந்த வகையில் உங்கள் பாராட்டு மிகச்சிறந்த சிபாரிசாக அமையலாம்.

இப்படி பாராட்டுவது தொழில்முறையாக நன்றி சொல்லுதல் என்று லாடிட்ஸ் தளம் குறிப்பிடுகிறது.அதோடு உங்கள் அலுவலக நண்பர்களின் நற்திறமையை பாராட்டி நன்றி சொல்லுங்கள் வாருங்கள் அழைக்கிறது லாடிட்ஸ்.

பாராட்டுங்கள்! நீங்களும் பாராட்டப்படலாம்!

இணையதள முகவரி;http://www.laudits.com/

Advertisements

4 responses to “தோழர்களை தட்டி கொடுக்க ஒரு இணையதளம்.

  1. Thanks, Cybersimman, from the folks at Laudits.com! Though we don’t know Tamil, we can see from Google Translate and other translation tools that you have written an in-depth analysis of the benefits of thank-yous at the office.

    Though the site is in English, you can give Laudits in Tamil and other languages, and they’ll get through to the recipient in that language.

    So, please, go ahead and say “thank you” to a colleague who deserves it!

  2. Pingback: புத்தம் புதிதாக ஒரு வேலை!;தேடித்தரும் தளம் | Cybersimman's Blog·

  3. Pingback: புத்தம் புதிதாக ஒரு வேலை!.தேடித்தரும் தளம் | Cybersimman's Blog·

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s