கம்ப்யூட்டரை வைரஸ் பாதித்துள்ளதா என அறிவது எப்படி?

வைரஸ் பாதிப்பு பற்றியும் ,விதவிதமான வைரஸ்கள் பற்றியும் அடிக்கடி கேள்விப்படுகிறோம். திடிரென புதுப்புது வைரஸ்களும் உருவாக்கப்பட்டு அச்சத்தை ஏற்படுத்துகின்றன. சாதாரண வைரசில் துவங்கி மால்வேர் வரை பலவிதமான வைரஸ்கள் உலா வந்து கொண்டிருக்கின்றன. அதே போல நம்மை அறியாமல் கம்ப்யூட்டருக்குள் வைரஸ் நுழையவும் பல வழிகள் இருக்கின்றன. இணையத்தில் கொஞ்சம் அசந்து எதாவது வேண்டாத இணைப்புகளை கிளிக் செய்தாலோ அல்லது இமெயிலில் வரும் இணைப்புகளை கிளிக் செய்தாலோ வைரஸ்கள் உள்ளே புகுந்து கொள்ளலாம். பென் டிரைவ் வழியாகவும் வைரஸ்கள் உள்ளே நுழைந்துவிடலாம். மிகவும் கவனமாக இருக்கும் போதே கூட வைரஸ்கள் கண்களில் மண்ணைத்தூவிவிடலாம். கவனக்குறைவாக இருந்தால் கேட்கவே வேண்டாம்.
எல்லாம் சரி, விழிப்புணர்வுடன் இருப்பதையும் மீறி வைரஸ் உள்ளே நுழந்து விட்டால் என்ன செய்வது ? முதலில் கம்ப்யூட்டரை வைரஸ் பாதித்திருக்கிறது என அறிவது எப்படி?
நம் உடலுக்கு பாதிப்பு ஏற்பட்டால் அதை உணர்த்தும் நோய்க்கூறுகள் இருப்பது போலவே கப்யூட்டரில் வைரஸ் பாதிப்பை காட்டிக்கொடுக்கவும் பலவித அறிகுறிகள் இருப்பதாக வல்லுனர்கள் சொல்கின்ற்னர். இந்த அறிகுறிகளை கவனித்துக்கொண்டிருந்தால் வைரஸ் பாதிப்பை சரியான நேரத்தில் உணர்ந்து நடவடிகை எடுக்கலாம்.

முதல் அறிகுறி

வைரஸ்கள் உள்ளே வராமல் தடுக்க நீங்கள் வைரஸ் தடுப்பு மென்பொருளை பயன்படுத்திக்கொண்டிருக்கலாம். பொதுவாக வைரஸ்கள் உள்ளே நுழைந்தால் வைரஸ் எதிர்ப்பு மென்பொருள் அது பற்றி எச்சரிக்கை செய்யும். ஆனால் வைரஸ் எதிர்ப்பு மென்பொருளின் கண்காணிப்பையும் மீறியும் வைரஸ் உள்ளே நுழைந்திருக்கலாம். எனில் உங்கள் கம்ப்யூட்டர் திரென காரணமே இல்லாமல் மெதுவாக இயங்கலாம். கோப்புகளை தேடுவதாக இருந்தாலும் சரி, அல்லது வேறு செயல்பாடுகளுக்கான கட்டளை என்றாலும் சரி கம்ப்யூட்டர் உடனே அதை நிறைவேற்றாமல் அதிக நேரம் எடுத்துக்கொள்ளலாம். இப்படி கம்ப்யூட்டர் வழக்கமான வேகத்தை விட குறைந்த வேகத்தில் இயங்கினால் அது வைரசுக்கான அறிகுறையாக இருக்கலாம்.
அதே போல நீங்கள் ஏதாவது ஐகான்களை கிளிக் செய்தாலும் உடடியாக எந்த பதிலும் இல்லாமல் போகலாம். ஏற்கனவே இன்ஸ்டால் செய்துள்ள சாப்ட்வேர்களும் சரியாக இயங்காமல் பிரச்சனை செய்யலாம் . பிரிண்ட் கொடுக்கும் போது அந்த கட்டளை ஏற்கப்படாமல் போகலாம். இவையும் வைரஸ் பாதிப்பின் அடையாளம் தான்.

தானாக ரீபூட்

வைரஸ் உள்ளே இருந்தால் சிஸ்டம் தானாக ரீபூட் ஆகலாம். திடிரென கிராஷ் ஆகலாம். அல்லது அப்படியே ஹாங் ஆகி நிற்கலாம். உங்கள் கோப்புகளை அணுக முடியவில்லை என்று விநோதமான செய்திகள் தானாக திரையில் தோன்றலாம். இவை எல்லாம் இருந்தால் வைரஸ் உள்ளே நுழைந்திருக்க வேண்டும் என்று பொருள் இல்லை என்றாலும் இவை நிச்சயம் ஒரு எச்சரிக்கை தான். இந்த பாதிப்பிற்கு வேறு காரணங்கள் இல்லாவிட்டால் வைரஸ் என சந்தேகிக்கலாம்.

கோப்புகளில் பாதிப்பு
பொதுவாக கோப்புகளை நீங்கள் அணுகாத போது அவை எந்த மாற்றமும் இல்லாமல் இருக்கலாம். மாறாக நீங்கள் அணுகாத போதும் கோப்புகளின் அளவு தானாக மாறினால் அதற்கும் வைரஸ் காரணமாக இருக்கலாம் என்கின்றனர். அதே போல மெனுவை அணுகும் போதும் அதில் மாற்றங்கள் இருக்கலாம்.

ஹார்ட் டிஸ்க்
நினைத்த நேரத்தில் உங்களால் ஹார்ட் டிஸ்கை அல்லது டிரைவை அணுக முடியாமல் போனாலும் வைரஸ் பாதிப்பு இருக்கலாம் என பொருள். அதே போல வைரஸ் தடுப்பு மென்பொருள் சேவையின் செயல்பாடும் நிறுத்து வைக்கப்பட்டிருக்கிறதா என கவனியுங்கள். இவ்வளவு ஏன் ,சில நேரங்களில் உங்கள் கம்யூட்டரில் வைரஸ் பாத்திருக்கிறது எனும் அறிவிப்போடு தனியே எட்டிப்பார்க்கும் பாப் அப்கள் கூட வைரசின் அடையாளமாக இருக்கலாம் என வல்லுனர்கள் எச்சரிக்கின்றனர். அநேகமாக அதில் சுட்டிக்காட்டப்படும் வைரஸ் அறிமுகம் இல்லாததாக இருக்கும்.

திடீர் பரிசு
இணையத்தில் உலாவும் போது , திடீர் பரிசு பற்றிய செய்தி அல்லது இமெயில் மூலம் மோசடி வலை விரிக்கப்படுவது பற்றி கேள்விப்பட்டிருக்கிறோம். இதோ போன்ற செய்திகள் கம்ப்யூட்டருக்குள் வைரஸ் பாதிப்பு காரணமாகவும் எட்டிப்பார்க்கலாம். இவைத்தவிர வைரஸ் தடுப்பு மென்பொருள் அல்லது வேறு மென்பொருளை நிறுவ முடியாமல் போகலாம். டெஸ்க்டாபில்திடிரென ஐகான்கள் காணாமல் போயிருக்கலாம்.
கம்ப்யூட்டரை பயன்படுத்தும் போது இது போன்ற அமசங்களை கவனித்துக்கொண்டே இருங்கள் .இவை பொதுவான அறிகுறிகளே தவிர இவை மட்டும் தான் அறிகுறிகள் என்றில்லை. போதுவாக கம்ப்யூட்டர் செயல்பாட்டில் வழக்கத்துக்கு விரோதமாக எது இருந்தாலும் எச்சரிக்கையாக இருப்பதே நல்லது.

———

வலைப்பதி பயிற்சி பற்றிய சமீபத்திய பதிவு: http://valaipayirchi.wordpress.com/2014/07/14/%E0%AE%89%E0%AE%99%E0%AF%8D%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AF%81%E0%AE%B3%E0%AF%8D-%E0%AE%92%E0%AE%B0%E0%AF%81-%E0%AE%B5%E0%AE%B2%E0%AF%88%E0%AE%AA%E0%AF%8D%E0%AE%AA%E0%AE%A4/

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s